ຕໍ່ການນຳພາວຽກງານການເມືອງແນວຄິດ ຂອງ ພຊສ ແມ່ນໃນໄລຍະຜ່ານມາກໍ່ໄດ້ເອົາໃຈໃສ່ ປະຕິບັດຢ່າງ ເປັນປົກກະຕິ ແລະ ຕໍ່ເນື່ອງ ເຊິ່ງເຮັດໃຫ້ພະນັກງານມີຫຼັກໝັ້ນ, ມີທັດສະນະທີ່ຖືກຕ້ອງຕໍ່ການນຳພາ ແລະ ເປັນເອກະພາບຕໍ່ແບບແຜນວິທີເຮັດວຽກຂອງຄະນະນຳ ແລະ ການຈັດຕັ້ງ ; ໃນເງື່ອນໄຂປະຈຸບັນ ພສຊ ພວມສຸມໃສ່ການປັບປຸງພາລະບົດບາດ ແລະ ກົງຈັກການຈັດຕັ້ງຂັ້ນແຂວງ ແລະ ຂັ້ນເມືອງ ຕາມທິດກະທັດຮັດຈິ່ງມີຄວາມຢ່າງຍິ່ງທີ່ຄະນະພັກ ຄະນະນໍາ ຂອງຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມ ແຕ່ລະຂັ້ນຈະໄດ້ຍົກສູງວຽກງານແນວຄິດການເມືອງໃຫ້ສະມາຊິກພັກ ພະນັກງານ-ລັດຖະກອນ ໃນຂັ້ນຂອງຕົນ ເພື່ອຕອບສະໜອງໃຫ້ກັບໜ້າທີ່ການເມືອງໃນໄລຍະໃໝ່ນີ້. ໂດຍສະເພາະແມ່ນສືບຕໍ່ວຽກງານການເມືອງ-ແນວຄິດ, ການຕິດຕາມສະພາບແນວຄິດຫາງສຽງຂອງພະນັກງານ, ຄວາມບຸກບືນຄວາມທໍຖອຍຂອງພະນັກງານ, ຕິດພັນກັບການຄັດເລືອກຜົນ ງານປະຈຳປີຂອງພະນັກງານ; ສືບຕໍ່ເຮັດວຽກງານການເມືອງແນວຄິດຕໍ່ພະນັກງານໃນການຮັບຜິດຊອບໜ້າທີ່ດ້ານວິຊາສະເພາະຢ່າງເອົາຈິງເອົາຈັງ ເພື່ອໃຫ້ບັນລຸຄາດໝາຍ, ສຸມໃສ່ປະຕິບັດຕາມການມອບໝາຍບໍ່ໃຫ້ມີຂໍ້ອ້າງເມື່ອຖືກລົງເມືອງກໍ່ຕ້ອງໄດ້ລົງ, ຖືກຍົກລະດັບກໍ່ຕ້ອງໄດ້ໄປຕາມການມອບໝາຍຂອງການຈັດຕັ້ງເພື່ອບັນລຸພາລະກິດລວມ.