Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້6
mod_vvisit_counterມື້ວານ74
mod_vvisit_counterອາທິດນີ້120
mod_vvisit_counterອາທິດແລ້ວນີ້196
mod_vvisit_counterເດືອນນີ້435
mod_vvisit_counterເດືອນແລ້ວນີ້672
mod_vvisit_counterລວມທັງຫມົດ52440

Online (20 minutes ago): 1
Your IP: 54.198.143.210
,
Today: ຕ. ລ. 18, 2017

Who's Online

ເຮົາມີ 5 ບຸກຄົນທົ່ວໄປ ອອນໄລນ
ກອງປະຊຸມສະຫຼຸບການຈັດຕັ້ງປະຕິບັດວຽກງານອຸຕຸນິຍົມ ແລະ ອຸທົກກະສາດ PDF ພິມ ອີເມລ
ຂຽນໂດຍ ທ່ານ ວັນນະໄຊ ຜູ້ຮັບຜິດຊອບວຽກງານຂໍ້ມູນ   
ມື້ອັງຄານທີ່ 21 ກຸມພາ 2017 ເວລາ 08: 33

ກອງປະຊຸມສະຫຼຸບການຈັດຕັ້ງປະຕິບັດວຽກງານອຸຕຸນິຍົມ ແລະ ອຸທົກກະສາດແຂວງອຸດົມໄຊ


ສົກປີ 2015-2016 ແລະ ທິດທາງແຜນການປີ 2017.

ໃນວັນທີ່ 13 ມັງກອນ 2017 ທີ່ຜານມາຢູ່ທີ່ ຫ້ອງປະຊຸມຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງອຸດົມໄຊ ໄດ້

ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານອຸຕຸນິຍົມ ແລະ ອຸທົກກະສາດ ສົກປີ 2015-2016 ແລະ ທິດທາງແຜນການ ປີ

20017 ຂື້ນ.  ພາຍໃຕ້ການເປັນປະທານ ຂອງ ທ່ານ ດຣ ຄໍາຜີວ ໄຕບົວວອນ ຮອງຫົວໜ້າພະແນກຊັບພະຍາກອນທຳມະຊາດ ແລະ

ສິ່ງແວດລ້ອມ ແຂວງອຸດົມໄຊ.  ກອງປະຊຸມຄັ້ງນີ້ມີຜູ້ເຂົ້າຮ່ວມທັງໝົດ 15 ທ່ານ, ຍິງ 3 ທ່ານ. ມີຄະນະພະແນກ, ຫົວໜ້າຂະແໜງ,

ຮອງຂະແໜງ, ຫົວໜ້າໜ່ວຍງານ ແລະ ວິຊາການທີ່ກ່ຽວຂ້ອງຈາກ 7 ເມືອງ ເຂົ້າຮ່ວມ.

 

 

ຈຸດປະສົງ: ຂອງກອງປະຊຸມແມ່ນ ເພື່ອ ສະຫຼຸບການຈັດຕັ້ງປະຕິບັດວຽກງານອຸຕຸນິຍົມ ແລະ ອຸທົກກະສາດ ໃນ ສົກປີ 2015-2016 ແລະ

ທິດທາງແຜນການ ປີ 20017. ເຊີ່ງມີເນື້ອໃນລາຍລະອຽດໂດຍຫຍໍ້ດັ່ງນີ້: ທົ່ວແຂວງອຸດົມໄຊ ມີສະຖານີອຸຕຸນິຍົມ 1 ແຫ່ງ, ມີຈຸດຫຼາ

ວັດແທກລະດັບນ້ຳ 8ຈຸດ ແລະ ຈຸດວັດແທກປະລິມານນ້ຳຝົນ 4 ຈຸດຄື: ຈຸດວັດແທກລະດັບນ້ຳຂອງ ເມືອງປາກແບງ, ນ້ຳແບງ ເມືອງ

ຮຸນ, ນ້ຳແບງ ເມືອງແບງ, ນ້ຳມາວ ເມືອງໄຊ, ນ້ຳກໍ ຂົວນ້ຳກໍ 2 ເມືອງໄຊ, ນ້ຳກໍ ຫຼັກ7 ເມືອງໄຊ, ນ້ຳແຊ ເມືອງນາໝໍ້, ຈຸດວັດແທກນ້ຳ

ພາກ ເມືອງຫຼາ ແລະ ຈຸດວັດແທກນ້ຳຝົນ 4ຈຸດຄື: ເມືອງປາກແບງ, ເມືອງຮຸນ, ເມືອງໄຊ ແລະ ເມືອງຫຼາ ເມືອງລະ 1 ຈຸດ ພ້ອມທັງ

ສາມາດລາຍງານ ຂ່າວສານອາກາດ ຊີນົບ ແລະ ເມຕາ (Synop & Metar)  ໃຫ້ກົມອຸຕຸນິຍົມ ແລະ ອຸທົກກະສາດ ໄດ້ 1.800 ຊົ່ວໂມງ.

ລາຍງານຂ່າວສານເມຕາ(Metar) ໃຫ້ການບິນລາວ ສາຂາແຂວງອຸດົມໄຊໄດ້ 720 ຊົ່ວໂມງ. ສະຫຼຸບ, ສັງລວມຂໍ້ມູນ ອຸຕຸນິຍົມ ແລະ ອຸ

ທົກກະສາດ ລາຍວັນ, ເດືອນ ສົ່ງໃຫ້ກົມອຸຕຸນິຍົມ ແລະ ອຸທົກກະສາດ ໄດ້ 12 ຄັ້ງ.  ອອກຂ່າວ ພະຍາກອນອາກາດປະຈຳວັນ, ອາທິດ,

3ເດືອນ ແລະ ອອກແຈ້ງເຕື່ອນໄພ ລົມພະຍຸ, ຝົນຕົກໜັກ, ລະວັງໄພນ້ຳຖ້ວມ ທາງໂທລະໂຄງ, ວິທະຍຸແຂວງ ພ້ອມທັງລາຍງານໃຫ້ການ

ນຳຂັ້ນແຂວງ ແລະ ສົ່ງແຈ້ງການໃຫ້ 7 ເມືອງ ພາຍໃນແຂວງໄດ້ 54 ຄັ້ງ. ສະຫຼຸບສັງລວມ ຂໍ້ມູນລະດັບນ້ຳ ແລະ ປະລິມານນ້ຳຝົນ ລາຍ

ວັນ, ເດືອນ ສົ່ງໃຫ້ກົມອຸຕຸນິຍົມ ແລະ ອຸທົກ ກະສາດ ໄດ້ 12ຄັ້ງ ແລະ ຍັງມີທິດທາງແຜນການ ປະຈໍາປີ 2017 ຄື:  ສຳຫຼວດ ແລະ

ສ້ອມແປງອຸປະກອນຫຼາວັດແທກລະດັບນ້ຳທີ່ເປເພ ໃນຂອບເຂດ ທົ່ວແຂວງ 4 ຈຸດ(ເມືອງໄຊ 3ຈຸດ ແລະ ເມືອງແບງ 1 ຈຸດ); ສຳຫຼວດ

ແລະ ຕິດຕັ້ງຫຼາວັດແທກລະດັບນ້ຳ ຄືນໃໝ່ 3 ຈຸດ(ເມືອງຮຸນ, ເມືອງນາໝໍ້ ແລະ ເມືອງຫຼາ); ສຳຫຼວດ ແລະ ຍົກຍ້າຍເຄືອງໂຕ່ງນ້ຳຝົນ

2 ຈຸດ(ເມືອງປາກແບງ ແລະ ເມືອງຫຼາ); ສຳຫຼວດ ແລະ ຕິດຕັ້ງເຄືອງໂຕ່ງນ້ຳຝົນ 2 ຈຸດ(ເມືອງແບງ ແລະ ເມືອງນາໝໍ້); ເປີດນຳໃຊ້

ເຄືອງວັດແທກອຸຕຸນິຍົມ ແລະ ອຸທົກກະສາດ ແບບ Outomatic ຢູ່ສະຖານີອຸຕຸນິຍົມ ແລະ ອຸທົກກະສາດ ແຂວງ;  ປັບປຸງ,  ຊັບປ່ຽນ

ອຸປະກອນວັດແທກອຸຕຸນິຍົມ ແລະ ອຸທົກກະສາດ  ທີ່ຈຳເປັນຈຳນວນໜຶ່ງ ຢູ່ສະຖານີຂັ້ນແຂວງ; ສຳຫຼວດ ແລະ ຕິດຕັ້ງເຄືອງເຕືອນໄພ

1-2 ຈຸດພາຍໃນແຂວງ;  ຕິດຕັ້ງເຄືອງວັດແທກອຸຕຸນິຍົມ ແລະ ອຸທົກກະສາດ ແບບ Outomatic ຢູ່ເມືອງຮຸນ 1 ຈຸດ (ອົງການ FAO);

ປະຕິບັດແຜນກິດຈະກຳໂຄງການ ສ້າງຄວາມເຂັ້ມແຂງດ້ານການດຳລົງຊີວິດໃຫ້ແກ່ຊຸມຊົນ ເຂດເນີນສູງ ຢູ່ 2 ເມືອງເປົ້າໝາຍໂຄງການ

ຄື: ເມືອງແບງ ແລະ ເມືອງປາກແບງ. ຂື້ນຜ່ານບົດສະຫຼຸບ ແລະ ທິດທາງແຜນ ໂດຍທ່ານ ສຸກ ສູນທະລາ ຮອງຫົວໜ້າຂະແໜງອຸຕຸ

ນິຍົມ ແລະ ອຸທົກກະສາດແຂວງອຸດົມໄຊ. ພ້ອມ​ນັ້ນ​ກໍ່​ໄດ້​ມີ​ການ​ປຶກສາ​ຫາລື ແລະ ປະກອບຄໍາຄິດຄໍາເຫັນ​ຕໍ່​ບົດສະຫຼຸບ​ດັ່ງກ່າວ ​ຂອງ

ແຕ່ລະພາກສ່ວນ ເພື່ອ​ໃຫ້​ມີ​ຄວາມ​ສະດວກ​ໃນ​ການຈັດ​ຕັ້ງ​ປະຕິບັດ​ໃນ​ຕໍ່ໜ້າ ໂດຍ​ສະ​ເພາະ​ແມ່ນວຽກງານ ການເກັບກໍາຂໍ້ມູນລະດັບນໍ້າ

ແລະ ປະລິມານນໍ້າຝົນ ຢູ່ໃນແຕ່ລະຈຸດໃນຂອບເຂດແຂວງອຸດົມໄຊເພື່ອຮັບປະກັນໃຫ້ແກ່ການເຕືອນໄພທາງທໍາມະຊາດ. ຈາກນັ້ນ

ປະທານກອງປະຊຸມຍັງໄດ້ມີການມອບໃບຍ້ອງຍໍໃຫ້ພະນັກງານຊ່ອຍວຽກໃນການຕິດຕາມລະດັບນໍ້າເພື່ອເຕືອນໄພນໍ້າຖ້ວມຈຸດວັດແທກ

ນໍ້າກໍຕອນເທີງເມືອງໄຊ ແລະ ຈຸດວັດແທກນໍ້າແບງ ເມືອງແບງ ມີລາຍຊື່ດັ່ງນີ້:  ທ່ານ ສົມແພງ ບ້ານໂຮມໄຊ ເມືອງໄຊ ແຂວງອຸດົມໄຊ

ແລະ ທ່ານ ໄມມີ ບ້ານປາງທອງ ເມືອງແບງ ແຂວງອຸດົມໄຊ.

ຕ້ອນທ້າຍກອງປະຊຸມ ທ່ານ ປະທານກອງປະຊຸມ ໄດ້ໃຫ້ກຽດຂື້ນໂອລົມມີຄໍາເຫັນຕໍ່ກອງປະຊຸມ ກ່ອນອຶ່ນທ່ານໄດ້ສະແດງຄວາມຍ້ອງຍໍ

ຊົມເຊີຍຕໍ່ກັບບັນດາທຸກໆທ່ານ ທີ່ມີຄວາມເອົາໃຈໃສ່ ເຮັດໜ້າທີ່ຢ່າງມີຜົນສໍາເລັດ. ແລະທ່ານມີຄຳເຫັນບາງຕອນດັ່ງນີ້: ແຂວງອຸດົມໄຊ

ເປັນແຂວງໜຶ່ງທີ່ມີຈຸດຫຼໍ່ແຫຼມ ແລະ ມີຄວາມສ່ຽງຫຼາຍທາງດ້ານໄພທຳມະຊາດ ບໍ່ວ່າຈະເປັນໄພນໍ້າຖ້ວມ, ໄພແຫ້ງແລ້ງ ແລະ ໄພທໍາມະ

ຊາດອື່ນໆ ທີ່ກໍ່ໃຫ້ເກີດຄວາມເສຍຫາຍແກ່ປະຊາຊົນບັນດາເຜົ່າທຸກຊັ້ນຄົນສະນັ້ນຈະເຮັດແນວໃດເພື່ອບໍ່ໃຫ້ມັນເກີດຂື້ນອັນນີ້ກໍ່ຂື້ນຢູ່

ກັນພະນັກງານວິຊາການ ແລະຜູ້ຊ່ອຍວຽກໃນການຕິດຕາມຫຼາວັດແທກລະດັບນໍ້າແຕລະຈຸດຂອງພວກເຮົາທຸກຄົນຕ້ອງໄດ້ເປັນ

ເຈົ້າການຊ່ອຍກັນນໍາເອົາຄວາມຮູ້, ຄວາມສາມາດທີ່ໄດ້ຮຽນມາໄປຈັດຕັ້ງປະຕິບັດໃຫ້ມັນທ່ວງທັກັບເວລາໃຫ້ມີປະສິດທິພາບ ແລະ

ມີການປະສານງານກັນຢ່າງທົວເຖີງທັງຂັ້ນເທີງ ແລະ ທ້ອງຖິ່ງ ເພື່ອຮັບປະກັນແກ່ການເຕືອນໄພທາງທໍາມະຊາດໃຫ້ທ່ວງທັນກັບເວລາ.