ຫນ້າຫລັກ

ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດພິທີ ປາຖະກະຖາ

ໃນຕອນເຊົ້າ ເວລາ 8:00 ໂມງ ຂອງວັນທີ 17 ມິຖຸນາ 2022 ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດພິທີ

1) ປາຖະກະຖາວັນສ້າງຕັ້ງແຂວງອຸດົມໄຊ ຄົບຮອບ 60 ປີ (15 ກໍລະກົດ 1962-15 ກໍລະກົດ 2022)

2) ວັນສ້າງຕັ້ງກຳລັງປ້ອງກັນຄວາມສະຫງົບແຂວງ ຄົບຮອບ 60 ປີ (4 ເມສາ 1962-4 ເມສາ 2022)

3) ວັນເຊັນສົນທິສັນຍາມິດຕະພາບ-ການຮ່ວມມື ລາວ-ຫວຽດນາມຄົບຮອບ 45 ປີ (18 ກໍລະກົດ 1977-18 ກໍລະກົດ 2022) ແລະ ປີສາມະຄີ ລາວ-ຫວຽດນາມ ການສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ (5ກັນຍາ 1962-5ກັນຍາ 2022)

ພາຍໃຕ້ການເປັນປະທານໂດຍ ທ່ານ ນາງ ຄຳໝັ້ນ ແກ້ວບຸນຫວນ ຫົວໜ້າພະແນກຊັບພະຍາກອນທຳມະຊາດ ແລະ ສິງແວດລ້ອມ ແຂວງອຸດົມໄຊ ພ້ອມດ້ວຍຄະນະພະແນກ, ຫົວໜ້າ-ຮອງ ຂະແໜງ ແລະ ວິຊາການເຂົ້າຮ່ວມ ຈຳນວນ 37 ທ່ານ, ຍິງ 11 ທ່ານ

ໃນນີ້ ທ່ານປະທານ ຍັງມິຄຳຄິດເຫັນ ອະທິບາຍຄວາມໝາຍຄວາມສຳຄັນຂອງວັນດັ່ງກ່າວ ໃຫ້ພະນັກງານ-ລັດຖະກອນ ຮັບຮູ້ ແລະ ເຂົ້າໃຈເພີ່ມຂື້ນ

ພະແນກ ຊສ ແຂວງອຸດົມໄຊ ໄດ້ມີກອງປະຊຸມກ່ຽວກັບການຈັດຕັ້ງຜັນຂະຫຍາຍພາລະບົດບາດ ແລະ ການຊຸກຍູ້ການຂຽນກໍານົດຕໍາແໜ່ງງານ

ໃນລະຫວ່າງວັນທີ 16-17 ມິຖຸນາ 2022 ເວລາ 8:00-16:00 ໂມງ ທີ່ ຫ້ອງປະຊຸມພະແນກ ຊສ ແຂວງອຸດົມໄຊ ໄດ້ມີກອງປະຊຸມກ່ຽວກັບການຈັດຕັ້ງຜັນຂະຫຍາຍພາລະບົດບາດ ແລະ ການຊຸກຍູ້ການຂຽນກໍານົດຕໍາແໜ່ງງານ ຂອງຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ ຢູ່ ພະແນກ ຊສ ແຂວງອຸດົມໄຊ ພາຍໃຕ້ການເປັນປະທານຮ່ວມຂອງ ທ່ານ ນ. ຄຳໝັ້ນ ແກ້ວບຸນຫວນ ຫົວໜ້າພະແນກ ຊສ ແຂວງອຸດົມໄຊ ແລະ ທ່ານ ວິພັນໄຊ ຈັນສະມຸດ ຮອງຫົວໜ້າກົມຈັດຕັ້ງ ແລະ ພະນັກງານ ກຊສ, ຕາງໜ້າ ພະແນກພາຍໃນແຂວງ, ຫົວໜ້າຫ້ອງການ ແລະ ຮອງຫ້ອງການ ຊສ 7 ຕົວເມືອງ ແລະ ຄະນະທີມງານຈາກກົມຈັດຕັ້ງ ແລະ ພະນັກງານ ພ້ອມດ້ວຍວິຊາການທີ່ກ່ຽວຂ້ອງ ເຂົ້າຮ່ວມ ລວມທັງໝົດ 30 ທ່ານ ຍິງ 6 ທ່ານ (ມີບັນຊີລົງທະບຽນຄັດຕິດມາພ້ອມນີ້).

ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດກອງປະຊຸມກ່ຽວກັບວຽກງານເຊື່ອມສານແຜນຈັດສັນທີ່ດິນ, ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມແບບຮອບດ້ານ

ໃນຕອນເຊົ້າຂອງວັນທີ 14 ມິຖຸນາ 2022 ນີ້ ຢູ່ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດກອງປະຊຸມກ່ຽວກັບວຽກງານເຊື່ອມສານແຜນຈັດສັນທີ່ດິນ, ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມແບບຮອບດ້ານ ເຂົ້າໃນການສ້າງແຜນ ແລະ ແຜນພັດທະນາເສດທະກິດ-ສັງຄົມ ຂອງແຂວງອຸດົມໄຊ ພາຍໃຕ້ການເປັນປະທານໂດຍ ທ່ານ ອ່ອນແກ້ວ ອຸ່ນອາລົມ ຮອງເຈົ້າແຂວງ ແຂວງອຸດົມໄຊ, ມີຜູ້ເຂົ້າຮ່ວມຈາກ ກົມສິ່ງແວດລ້ອມ ແລະ ພະແນກການອ້ອມຂ້າງແຂວງ 30 ທ່ານ, ຍິງ 5 ທ່ານ

ພິທີສະເຫຼີມສະຫຼອງວັນສິ່ງແວດລ້ອມແຫ່ງຊາດ ຄົບຮອບ 23 ປີ

ໃນຕອນເຊົ້າຂອງວັນທີ 3 ພຶດສະພາ 2022 ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງອຸດົມໄຊ ໄດ້ຈັດພິທີສະເຫຼີມສະຫຼອງວັນສິ່ງແວດລ້ອມແຫ່ງຊາດ ຄົບຮອບ 23 ປີ ແລະ ວຫນສີງແວດລ້ອມໂລກ ຄົບຮອບ 50 ປີ ພາຍໃຕ້ຄຳຂັວນ «ໂລກມີພຽງໜື່ງດຽວ only one earth»

ໃນພິທີດັ່ງກ່າວ ໄດ້ຮັບຟັງການໂອ້ລົມກ່ຽວກັບ ສິງແວດລ້ອມ ແລະ ມີຂະບວນຢ່າງມາລະທອນເພື່ອສຸກຂະພາບ ໃນການສະເຫຼີມສະຫຼອງວັນດັ່ງກ່າວ